- 084 -
1447 (1. marca) Świdnica, actum & datum quatour tempora po Środzie Popielcowej etc.
Szlachta księstw Świdnicy i Jawora wyraża zgodę na dodatek do pokrycia kosztów emisji monety (…monet i halerzy…) dla miasta Świdnicy, na okres lat trzech po sobie następujących.
— Wir manschafft der furstenthumen Sweidnitcz und Jauwor bekennen uffentlichen mit diesim brieff allen die en seen horen adir lezen. Nochdem denne die erbarn weizen burgermeister und ratmanne der stat Sweidnitcz vor dem edln herrn AlbrechteAlbrecht von Kolditz (zm. 1448) w l. 1419-1448 był starostą księstw Świdnicy i Jawora, ponadto Księstwa Wrocławskiego, jak również landwójtem Górnych Łużyc. von Colditcz unsirm houptmanne, vor uns und ouch for den erbern weisen steten der obgenanten ffurstenthumen SwidnitczŚwidnica und JauworJawor, das denne eyn kuniglich brieff hienoch berurt clerlichen ynnehelt, mit unvorserten keyserlichen kuniglichen und furstlichen maiestatbrieven, wie sie ire moncze zur Sweidnitcz mit kouffen und lehn recht und redlich an sich brocht haben, haben beweist, dieselben brieve sie mitsampt uns gesehen und gehort lesen haben, die undir andern worten innehalden, das sie zu monczen und hellir zu sloen haben ym zusatcze als bisher gehalden ist, und dorbey irczalt, das en sulchir zusatcz, noch dem als silber itczunt gilt und tewer ist, langczeit bisher ist gewest und ggolden hot, zu swer were und also zu monczen nicht kunden dirreichen dorbey bleiben noch zukomen, das do uns allen wol uffenbar ist, dorumb und durch sulcher tewerunge wille des silbirs sie bey langir czeit nicht hetten kund gemonczen, dorzu ire heller und moncze durch ire gute wille aws den landen gefurt wern und andir gerynge und swache moncze yn diese land were und wurde gefurt, dofon lande und stete, arm und reich und ouch sie uns allen wolwissentlich groszen und merglichen schaden genohmen und entpfangen hetten und forbas groszer scheden, wo das nicht vorsorgit wurde, nehmen mochten: sulchem schaden fortmer forzukomen haben sie den obgenanten herrn Albrecht von Culdicz iren und unsirn houptman an stat unsirs gnedigen herrn des kunigs yn den obgenanten furstenthumen diemutlichen gebeten, das er en yn der stat namen doselbst uff eyne genante czeit, unschedlich doch iren obgenanten keysirlichen kuniglichen furstlichen maiestatbrieffen und gerechtikeiten, uw ym zusatcze zum vyerden zu monczen und heller noch sulchem gebreche und geprege, als sie von aldirs doselbst zur Sweidnicz gemontczt und geslagen zein, zu sloen gonnen und irlewben geruchte. Uff sulch ire vorbrengen haben wir uns mit dem genanten unserm houptmanne und steten beroten und eyntrechtiglichen gewegen und betracht eynen gemeinen nutcz und fromen und vor arm und reich bests irkant und haben denselben unsirn houptman ouch selbir gebeten, das er en alzo uff eyne genante czeit zu montczen dirlewben geruchte, dorumb er en gas ggunst und irlewbit hot alzo vornemlich, das sie yn der stat namen doselbst zur Swidnitcz ire moncze und heller ym zusatcze zum vyerden ym gebreche und geprege als von aldirs gewest ist von den nehst komenden phingsten noch data diecz brieves drey gancze iar nochenander ane mittel fulgende sloen und monczen sullen und mogen als ufte sie wullen und konnen ungehindirt. Und sullen domitt die obgenanten ire keysirliche kunigliche furstliche brieve und gerechtikeiten in dheinweis obirgriffen noch sie domitt geswechet haben, als das allis eyn kuniglich brieff, den derselb unsir houptman eu uff sulch irlewben besundern mit unsirm und der obgenanten stete rot und wiszen gegeben hot, eigentlicher besagit und usweizt. Und wir sullen und wullen sie ouch des helffen vorantworten nw und in nochfulgenden czeiten. Czu bekentnisz hot der uft genante Albrecht von Culditcz unsir houptman sein ingsigil durch unsir bete wille und wir manschafft der lande insigil mit gutem wiszen an diesen brieff loszen hengen.
Gescheen und geben czur Sweidnitcz noch Crists geburt vyerczenhundert dornoch in den sebeundvyerczigisten ioren der quatour tempora noch dem asschtage.